នៅថ្ងៃទី ២៥ ខែមករា ឆ្នាំ២០១៧ អង្គការ ខេប បានរៀបចំប្រជុំក្រុមប្រឹក្សាភិបាលនៅការិយាល័យកណ្តាល ក្រុងកំពង់ចាម ខេត្តកំពង់ចាម ដោយពិភាក្សា និងផ្តោតសំខាន់ទៅលើការគ្រប់គ្រងអង្គការ ខេប និងការធ្វើបច្ចុប្បន្នភាពគម្រោង។ អង្គប្រជុំនេះត្រូវបានអញ្ជើញចូលរួមពីសមាជិកសមាជិកាក្រុមប្រឹក្សាភិបាលចំនួន ៥រូបនាពេលបច្ចុប្បន្ន និងការអញ្ជើញចូលរួមពីសមាជិកថ្មីចំនួន ២រូបទៀតក្នុងគោលបំណងធ្វើយ៉ាងណាដើម្បីលើកកម្ពស់ការធ្វើផែនការ និងដឹកនាំអង្គការ ខេប ឱ្យទទួលបានជោគជ័យតាមផែនការយុទ្ធសាស្រ្ត ៥ឆ្នាំ (២០១៥-២០១៩) សម្រាប់ឆ្លើយតបនឹងតម្រូវការការងារគ្រប់គ្រងគម្រោងអប់រំជាក់ស្តែង។ ក្រុមប្រឹក្សាភិបាលបានលើកការងារថ្មីៗ និងការងារដែលកំពុងអនុវត្តមកពិភាក្សាដើម្បីពង្រឹងសមត្ថភាពអង្គការបន្ថែម។ ដូច្នេះ​ អង្គការ ខេប មានសមាជិកក្រុមប្រឹក្សាភិបាលចំនួន ៧រូបនៅក្នុងឆ្នាំ២០១៧៕