ព័ត៌មាន និងព្រឹត្តិការណ៍
កិច្ចប្រជុំស្តីពីការអនុវត្តកម្មវិធីអប់រំ ក្នុងកិច្ចសហប្រតិបត្តិការជាមួយមន្ទីរអប់រំខេត្តកំពង់ចាម
Date : 2016-03-28
កិច្ចប្រជុំស្តីពីការអនុវត្តកម្មវិធីអ៉បំ ក្នុងកិច្ចសហប្រតិបត្តិការរវាងមន្ទីរអប់រំ យុវជន និងកីឡា សម្រាប់ខេត្តកំពង់ចាម ដែលត្រូវបានរៀបចំឡើងដោយមន្ទីរអប់រំ និងគាំទ្រថវិកាដោយអង្គការ Save the Children ជាមួយនឹងអង្គការដៃគូនៅមន្ទីរអប់រំ យុវជន និងកីឡា ក្រុងកំពង់ចាម ខេត្តកំពង់ចាម។
កម្មវិធីនេះមានគោលបំណងបង្កើនការយល់ដឹងអំពីគោលបំណង និងការអនុវត្តកម្មវិធីអប់រំឆ្នាំ២០១៦ ដើម្បីលើកម្ពស់កិច្ចសហប្រតិបត្តិការរវាងមន្ទីរអប់រំ យុវជន និងកីឡា ជាមួយអង្គការដៃគូពាក់ព័ន្ធ ដូចជា អង្គការ ខេប អង្គការ Save the Children នៅក្នុងខេត្តកំពង់ចាម ហើយក៏មានគោលបំណងលើកកម្ពស់ការស្វែងយល់អំពីយុទ្ធសាស្រ្តក្នុងការអនុវត្តន៍កម្មវិធីអប់រំស្របទៅតាមផែនការយុទ្ធសាស្រ្តរបស់ក្រសួងអប់រំ យុវជន និងកីឡា ប្រកបដោយប្រសិទ្ធភាព។
អង្គការ ខេប បានកំពុងអនុវត្តគម្រោងបរិស្ថានសិក្សាប្រកបដោយគុណភាពចំនួនពីរដែលគាំទ្រថវិកាដោយអង្គការ Save the Children គឺគម្រោងខ្ញុំកំពុងរៀន (I'm Learning Project!) ផ្តោតទៅលើការវាយតម្លៃ និងតាមដាន និងគម្រោង QLE Expansion ផ្តោតទៅលើការអនុវត្តនៅក្នុងខេត្តកំពង់ចាម ត្បូងឃ្មុំ កំពង់ឆ្នាំង ក្រចេះ ព្រះវិហារ និងព្រៃវែង ដោយសហការជាមួយការិយាល័យអប់រំស្រុក និងមន្ទីរអប់រំខេត្ត ដើម្បីធ្វើយ៉ាងផ្តល់សេវ៉ាអប់រំដល់កុមារនៅសាលាគោលដៅ ជាពិសេស តាមដានកម្រិតប្រែប្រួលរបស់កុមារ។
លោក លី ម៉េងសាន ប្រធានមន្ទីរអប់រំ យុវជន និងកីឡា ខេត្តកំពង់ចាម បានមានប្រសាសន៍ថា ការអប់រំដែលមានប្រសិទ្ធភាពគឺអាស្រ័យលើការដឹកនាំ។ លោកបានថ្លែងអំណរគុណ និងសំណូមពរដល់គ្រប់អង្គការដៃគូ ជាពិសេស អង្គការ ខេប ដែលបានចូលរួមជួយអភិវឌ្ឍវិស័យអប់រំយ៉ាងច្រើន។ អង្គការ ខេប បានផ្តល់អាហារូបករណ៍ដល់សិស្សស្រីក្រក្រចំនួន១១៥នាក់ឱ្យមានឱកាសបានបន្តការសិក្សានៅសាកលវិទ្យាល័យ។ ក្នុងការឆ្លើយតបនឹងលទ្ធផលអនុវត្តគម្រោងរបស់អង្គការ ខេប លោក ម៉េងសាន បានលើកឡើងអំពីសាលារៀនជំនាន់ថ្មីខេត្តកំពង់ចាម ដែលបានជួយដល់ក្រសួងអប់រំ យុវជន និងកីឡា និងបានពង្រីកដល់វិទ្យាល័យ ស៊ីសុវត្ថិ ក្រុងភ្នំពេញ ហើយបច្ចុប្បន្នបានពង្រីកដល់ខេត្តស្វាយរៀង។
នៅក្នុងកិច្ចប្រជុំថ្ងៃនេះ មានវត្តមានចូលរួមពីអង្គការ ខេប អង្គការវឌ្ឍនៈភាព អង្គការ OEC និងអង្គការ Save the Children ដើម្បីធ្វើការបង្ហាញអំពីសកម្មភាពគម្រោងដែលខ្លួនកំពង់អនុវត្ត។
Link to other Website
អង្គការមិនមែនរដ្ឋាភិបាលអន្តរជាតិ
អង្គការមិនមែនរដ្ឋាភិបាលក្នុងស្រុក
- អង្គការភាពជាដៃគូអប់រំនៃអង្គការក្រៅរដ្ឋាភិបាល (NEP)
- គណៈកម្មាធិការសហប្រតិបត្តិការដើម្បីកម្ពុជា (CCC)
- អង្គការពុទ្ធិកុមារ (PKO)
ប្រព័ន្ធផ្សព្វផ្សាយ
- វិទ្យុ និងទូរទស្សន៍អាស៊ីសេរី (RFA)
- សារព័ត៌មានភ្នំពេញប៉ុស្តិ៍
- Khmer Daily News
- ទូរទស្សន៍បាយ័ន (BTV)
- ទូរទស្សន៍ជាតិកម្ពុជា (TVK)
ក្រសួងរបស់រាជរដ្ឋាភិបាលកម្ពុជា
- ក្រសួងអប់រំ យុវជន និងកីឡា
- ក្រសួងសុខាភិបាល (MoH)
- ក្រសួងសេដ្ឋកិច្ច និងហិរញ្ញវត្ថុ (MoEF)
- ក្រសួងមហាផ្ទៃ (MoI)
គេហទំព័រដទៃៗទៀត
42
មត្តេយ្យសិក្សា172
បឋមសិក្សា110
មធ្យមសិក្សា6
ឧត្តមសិក្សា120,831
សិស្សានុសិស្ស2,806
គ្រូបង្រៀន / នាយក1,496
ភាគីពាក់ព័ន្ធ