ព័ត៌មាន និងព្រឹត្តិការណ៍

សៀវភៅឆ្លាត

Date : 2016-03-03

គម្រោងសៀវភៅអេឡិចត្រូនិចសម្រាប់ភាសាខ្មែរ

កម្មវិធីឈ្មោះ “សៀវភៅឆ្លាត”

ការអភិវឌ្ឍសៀវភៅអានអេឡិចត្រូនិចតាមកម្រិតសមត្ថភាពនេះគឺដើម្បីពង្រឹងពិន្ទុអំណានរបស់កុមារកម្ពុជា។គម្រោងនេះផ្តោតសំខាន់លើការផ្តល់បទពិសោធលើការប្រើប្រាស់វិធីសាស្រ្តបច្ចេកវិទ្យាមួយតាមរយៈការបង្កើតសៀវភៅអានអេឡិចត្រូនិចតាមកម្រិតសមត្ថភាពដែលអ្នកអានអាចទទួលបានទំនុកចិត្តដោយបានអានទៅតាមកម្រិតត្រឹមត្រូវនិងជំនួសបាននូវវិធីសាស្រ្តមួយដែលតម្រូវគ្រប់គ្នា។សៀវភៅអានតាមកម្រិតសមត្ថភាពនឹងរួមបញ្ចូលកម្រងសំណួរសម្រាប់ធ្វើតេស្តលក្ខណៈឌីជីថលដើម្បីបង្កើនប្រសិទ្ធិភាពនិងសុពលភាពនៃការវាយតម្លៃដោយគ្រូ។លើសពីនេះទៅទៀត, យើងជឿជាក់ថាធាតុទាំងនេះគឺមិនត្រឹមតែមានភាពច្នៃប្រឌិតថ្មីប៉ុណ្ណោះទេប៉ុន្តែវាបានរួមកម្លាំងគ្នាតែមួយដើម្បីនាំឱ្យមានការផ្លាស់ប្តូរដល់សមត្ថភាពអំណានរបស់សិស្ស។ឧទាហរណ៍ ការបង្កើតសៀវភៅតាមកម្រិតសមត្ថភាពនេះនឹងផ្ដល់ជាជំនួយលើកដំបូងដល់វិធីបង្រៀនសម្រាប់កុមារក្នុងការអានដោយផ្អែកលើកម្រិតនៃការអានរបស់ពួកគេខណៈពេលដែលសៀវភៅអេឡិចត្រូនិចតាមកម្រិតសមត្ថភាពនេះនឹងផ្តល់ឱកាសសម្រាប់ការធ្វើតេស្តជាឌីជីថលមានលក្ខណៈពិសេសបែបអន្តរកម្មនិងសន្សំពេលវេលាបានច្រើន។ជាទូទៅយើងចង់ចែករំលែកការសិក្សាអំពីការប្រើប្រាស់សម្ភារអេឡិចត្រូនិចដោយបញ្ចូលនូវលក្ខណៈពិសេសជំរុញការអានដូចជាការអានចេញជាសំឡេង, បែបផែនសំឡេងនិងចលនាគឺមានប្រសិទ្ធិភាពក្នុងការជួយកុមារឱ្យចេះពាក្យថ្មីៗនិងលើកកម្ពស់សមត្ថភាពអានដើម្បីយល់របស់ពួកគេ។លក្ខណៈពិសេសអន្តរកម្មបែបនេះបានធ្វើឱ្យការអានក្លាយជាសកម្មភាពមួយគួរឱ្យទាក់ទាញយ៉ាងខ្លាំងដល់កុមារដោយហេតុថាវាបានជួយលើកទឹកចិត្តក្នុងការអានដោយគ្មានការភ័យខ្លាចចំពោះការបរាជ័យដូចដែលធ្លាប់ជួបក្នុងការអានប្រភេទជាសៀវភៅពុម្ព។ លក្ខណៈពិសេសជាច្រើនទៀតដែលជួយបង្រៀនសិស្សដោយខ្លួនឯងគឺតាមរយៈការផ្ដល់ជានិយមន័យវេវចនៈ បដិសព្ទ ឬជាសំឡេងអានពាក្្យនោះបានបង្រៀនដល់កុមារដែលមានការខ្មាស់អៀនក្នុងការសួរគ្រូឱ្យទទួលបាននូវព័ត៌មានងាយស្រួលតាមរយៈលក្ខណៈពិសេសអន្តរកម្មនៃសៀវភៅអានអេឡិចត្រូនិចតាមកម្រិតសមត្ថភាពនេះ។

សរុបសេចក្ដីមក យើងចង់ចែករំលែកអំពីរបៀបមួយនៃការលើកកម្ពស់បទពិសោធការសិក្សាដែលមានលក្ខណៈឯកជនតាមរយៈការប្រើបច្ចេកវិទ្យាដើម្បីបង្កើតសៀវភៅអានតាមកម្រិតសមត្ថភាពឱ្យស្របទៅនឹងកម្រិតនៃការអានរបស់កុមារហើយឈានទៅបង្កើតការវាយតម្លៃមួយដែលច្បាស់លាស់អំពីផលប៉ះពាល់លើសមត្ថភាពអំណានកុមារនិងជំរុញការប្រើប្រាស់ឧបករណ៍អេឡិចត្រូនិចសូម្បីតែនៅក្នុងបរិស្ថានជនបទក្រីក្រ។