អំណោយជាថវិការបស់លោកតា មិនមែនត្រឹមតែជាតួលេខនៃទឹកប្រាក់ប៉ុណ្ណោះទេ តែវាជាការវិនិយោគដ៏ធំធេង និងជា «ក្តីសង្ឃឹម» សម្រាប់អនាគតរបស់កូនខ្មែររាប់ម៉ឺននាក់។ ជំនួយនេះ បានជួយកសាងមូលដ្ឋានគ្រឹះដ៏រឹងមាំ ដោយបើកឱកាសឱ្យកុមារតូចៗបានចូលរៀនក្នុងបរិយាកាសល្អប្រសើរ ទទួលបានការអប់រំប្រកបដោយគុណភាព និងភាពកក់ក្តៅ។

យើងពិតជាបានឃើញនូវ ការផ្លាស់ប្តូរជាវិជ្ជមាន យ៉ាងពិតប្រាកដ ស្នាមញញឹមរបស់កុមារ និងភាពជឿជាក់របស់ពួកគេ គឺជាសក្ខីភាពដែលមិនអាចកាត់ថ្លៃបាននៃគុណតម្លៃនេះ។

យើងខ្ញុំមានជំនឿចិត្តយ៉ាងមុតមាំថា បេសកកម្មដ៏មានតម្លៃរបស់លោកតានឹងមិនបញ្ឈប់ត្រឹមនេះឡើយ។ យើងខ្ញុំសូមអំពាវនាវ និងសង្ឃឹមយ៉ាងមុតមាំថា លោកតានឹងបន្តចក្ខុវិស័យដ៏មហិមានេះ ដើម្បីជួយដល់កុមារកម្ពុជាជាច្រើននាក់ដទៃទៀត ដែលកំពុងរង់ចាំឱកាសឆ្ពោះទៅរកអនាគតដ៏ភ្លឺស្វាង។

សូមគោរពជូនពរលោកតា ហាមុត គិសិកិ ឱ្យជួបតែពុទ្ធពរទាំងបួនប្រការកុំបីឃ្លៀងឃ្លាតឡើយ។