កម្មវិធីជំនួយគាំទ្របច្ចេកទេសការអភិវឌ្ឍភាពជាអ្នកដឹកនាំ ដល់មន្ត្រីក្រសួងអប់រំ យុវជន និងកីឡា

បច្ចុប្បន្នភាពគម្រោង

 

កម្មវិធីអភិវឌ្ឍន៍វិជ្ជាជីវៈភាពជាអ្នកដឹកនាំ (ដំណាក់កាលទី២) បានបង្កើតឡើងជាទម្រង់ការងារកិច្ចសន្យារវាងអង្គការ ខេប និងអង្គការយូនីសេហ្វេ ដោយមានហិរញ្ញប្បទានពីមូលនិធិភាពជាដៃគូនៃការអភិវឌ្ឍសមត្ថភាព (CDPF III)។ CDPF គឺជាភាពជាដៃគូយូរអង្វែងរវាងក្រសួងអប់រំ យុវជន និងកីឡារបស់ប្រទេសកម្ពុជា សហភាពអឺរ៉ុប ទីភ្នាក់ងារសហប្រតិបត្តិការអភិវឌ្ឍន៍អន្តរជាតិស៊ុយអែត (SIDA) ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) ភាពជាដៃគូសកលសម្រាប់ការអប់រំ (GPE) និងអង្គការយូនីសេហ្វ។

 ការកសាងកម្មវិធីអភិវឌ្ឍន៍ភាពជាអ្នកដឹកនាំថ្នាក់ជាតិសម្រាប់បុគ្គលិកក្រសួងអប់រំ យុវជន និងកីឡាក្នុងដំណាក់កាលទី១ គោលបំណងសំខាន់សម្រាប់ដំណាក់កាលទី២នេះគឺផ្តល់ជំនួយបច្ចេកទេសដល់ក្រសួងអប់រំ យុវជន និងកីឡានៅកម្ពុជា ដើម្បីអភិវឌ្ឍបន្ថែមទៀត និងដាក់ឱ្យដំណើរការកម្មវិធីអភិវឌ្ឍន៍វិជ្ជាជីវៈភាពជាអ្នកដឹកនាំរបស់ក្រសួងអប់រំ យុវជន និងកីឡា  នៅថ្នាក់ក្រោមជាតិក្នុងខេត្តចំនួន២០។ កម្មវិធីនេះមានគោលបំណងលើកកម្ពស់សមត្ថភាពគ្រប់គ្រងទូទៅរបស់បុគ្គលិកក្រសួងអប់រំដោយសង្កត់ធ្ងន់លើតម្រូវការចម្រុះ និងការរីកចម្រើនរបស់អ្នកដឹកនាំស្ត្រី។ ក្រុមហ៊ុន Real Time Evaluation (RTE) ដែលជាដៃគូរបស់យើងក្នុងសកម្មភាពគាំទ្រដល់ការតាមដាន និងវាយតម្លៃគុណភាព និងប្រសិទ្ធភាពកម្មវិធី។

កម្មវិធីនេះនឹងដាក់ចេញនូវម៉ូឌុលអភិវឌ្ឍន៍ភាពជាអ្នកដឹកនាំស្នូល (LDM) ដែលសម្របតាមតម្រូវការរបស់ថ្នាក់ក្រោមជាតិ ក៏ដូចជាការជ្រើសរើសពី២ទៅ៣ម៉ូឌុល ដែលផ្អែកលើអាទិភាពកំណត់ដោយអ្នកដឹកនាំថ្នាក់ក្រោមជាតិ។ កម្មវិធីនេះនៅតែស្ថិតក្នុងដំណាក់កាលវិភាគតម្រូវការ និងដំណាក់កាលមូលដ្ឋាន។ ទោះជាយ៉ាងណាក៏ដោយ ព្រឹត្តិការណ៍សំខាន់ៗមួយចំនួនត្រូវបានសម្រេច រួមទាំងការរៀបចំក្រុមប្រឹក្សាគម្រោង (PAG) ការអភិវឌ្ឍ និងការទទួលយករបាយការណ៍គំនិតផ្តួចផ្តើម ផែនការការអភិវឌ្ឍ ការតាមដាន ការវាយតម្លៃ និងការសិក្សា (MEL) ការស្ទង់មតិវិនិច្ឆ័យលើតម្រូវការ និងអាទិភាពការបណ្តុះបណ្តាល ក៏ដូចជាការបញ្ចប់ការប្រមូលទិន្នន័យស្ទង់មតិមូលដ្ឋានក្នុងខេត្តទាំង៨។

 

វត្ថុបំណង

វត្ថុបំណងទី១៖ ដើម្បីបង្កើត និង/ឬកែប្រែម៉ូឌុលបណ្តុះបណ្តាលភាពជាអ្នកដឹកនាំដែលត្រូវបានទទួលស្គាល់ (រួមទាំងតាមរយៈទម្រង់អភិវឌ្ឍន៍សមត្ថភាពថ្មីរបស់ក្រសួងអប់រំ យុវជន និងកីឡា) ដើម្បីបំពេញតម្រូវការអភិវឌ្ឍបុគ្គលិកថ្នាក់ក្រោមជាតិរបស់ក្រសួង។

វត្ថុបំណងទី២៖ ដើម្បីពង្រីកការគ្របដណ្តប់របស់កម្មវិធីដល់ចំនួនអតិបរមានៃការិយា   ល័យអប់រំតាមខេត្តចំនួន២០ និងការិយាល័យអប់រំស្រុកទាំងអស់នៅក្នុងខេត្តគោលដៅ។ គោលដៅ៖ ថ្នាក់ដឹកនាំអប់រំមន្ទីរ​/ស្រុកចំនួន ៧០០នាក់(បន្ថែម) (យ៉ាងហោចណាស់ ១៧៨នាក់ ឬ ៨០% នៃអ្នកដឹកនាំជាស្ត្រី ២២៣នាក់ មាន១០០% ប្រសិនបើអាចធ្វើទៅបាន)។

វត្ថុបំណងទី៣៖ លើកកម្ពស់សមភាពយេនឌ័រក្នុងតួនាទីដឹកនាំថ្នាក់ក្រោមជាតិរបស់ ក្រសួងអប់រំយុវជននិងកីឡា។

 

ផលជះគម្រោង

 

 ក្នុងអំឡុងខែតុលា ឆ្នាំ២០២៤ ក្រុមប្រឹក្សាគម្រោង យន្តការត្រួតពិនិត្យ និងពិគ្រោះយោបល់ផ្លូវការរបស់កម្មវិធីត្រូវបានបង្កើតឡើងជាផ្លូវការ ហើយដឹកនាំដោយឯកឧត្តម បណ្ឌិតសភាចារ្យ ណាត ប៊ុនរឿន ដោយសមាជិកចំនួន៧នាក់ រួមមាន៖ ក្រសួងអប់រំ យុវជន និងកីឡា អង្គការយូនីសេហ្វ និងអង្គការ ខេប នៅកម្រិតគ្រប់គ្រង ដោយមានក្រុមការងារបច្ចេកទេសធំជាងគេមួយ ដែលមានសមាជិក១៤នាក់ ដើម្បីគាំទ្រដល់ការអនុវត្តកម្មវិធីជាក់ស្តែង។

បន្ទាប់ពីការពិគ្រោះយោបល់ជាមួយអ្នកពាក់ព័ន្ធសំខាន់ៗ រួមទាំងនាយកដ្ឋានពាក់ព័ន្ធរបស់ក្រសួងអប់រំ យុវជន និងកីឡា អង្គការយូនីសេហ្វ និងអង្គការមិនមែនរដ្ឋាភិបាលពាក់ព័ន្ធក្នុងអំឡុងខែសីហា និងកញ្ញា របាយការណ៍ស្ដីពីផែនទីបង្ហាញផ្លូវសម្រាប់គម្រោង ត្រូវបានបិទបញ្ចប់ និងអនុម័តដោយក្រុម PAG  អំឡុងខែតុលា ឆ្នាំ២០២៤។

ក្នុងកំឡុងខែតុលា និងខែវិច្ឆិកា ការស្ទង់មតិលើការវិភាគពីតម្រូវការសិក្សាវិនិច្ឆ័យមួយ បានបង្កើតឡើងដែលគ្រប់គ្រងទៅលើបុគ្គលិកអប់រំថ្នាក់ក្រោមជាតិចំនួន ៦០៣ (ស្រ្តី១២៩នាក់) ដែលធ្វើការនៅមន្ទីរអប់រំ យុវជន និងកីឡាខេត្ត ការិយាល័យអប់រំ យុវជន និងកីឡាស្រុកនៅទូទាំង២០ខេត្ត។

n ក្នុងអំឡុងខែវិច្ឆិកា ឆ្នាំ២០២៤ វិធីសាស្ត្រមូលដ្ឋានបានបង្កើតឡើង ដែលមានគោលបំណងមូលដ្ឋានដើម្បីវាយតម្លៃចំណេះដឹង កម្មវិធី និងការអនុវត្តផ្តោតលើម៉ូឌុលបណ្តុះ    បណ្តាល LDM រួមមាន៖ សមត្ថភាពដំបូង បញ្ហាប្រឈម និងតម្រូវការរបស់អ្នកដឹកនាំថ្នាក់ក្រោមជាតិរបស់ក្រសួងអប់រំ យុវជន និងកីឡា។ ចំណុចមូលដ្ឋាននឹងបង្កើតឯកសារយោងដើម្បីវាស់វែងវឌ្ឍនភាព និងលទ្ធផលដែលសម្រេចបាននៅចុងបញ្ចប់វគ្គសិក្សា។

នៅថ្ងៃទី២៧ ខែវិច្ឆិកា ឆ្នាំ២០២៤ កិច្ចប្រជុំក្រុមប្រឹក្សាកម្មវិធី កិច្ចប្រជុំកម្រិតថ្នាក់គ្រប់គ្រង ដែលដឹកនាំដោយឯកឧត្តមបណ្ឌិតសភាចារ្យ ណាត ប៊ុនរឿន បានរៀបចំឡើងដើម្បីបង្ហាញពីសកម្មភាពកម្មវិធីដែលបានគ្រោងទុកសំខាន់ៗ និងដើម្បីទទួលបានការយល់ព្រមលើផែនការ MEL និងវិធីសាស្ត្រមូលដ្ឋាន។

ក្នុងអំឡុងខែធ្នូ ទិន្នន័យមូលដ្ឋានបានប្រមូលនៅក្នុងខេត្តចំនួន៨ដែលបានជ្រើសរើស និងរបាយការណ៍មូលដ្ឋាន នឹងត្រូវបិទបញ្ចប់នៅដើមឆ្នាំ២០២៥។