ព័ត៌មាន និងព្រឹត្តិការណ៍
ដំណើរទស្សនកិច្ចសិក្សាទៅកាន់សាលារៀន ខេត្តបុរីរាំ ប្រទេសថៃ
Date : 2024-07-04![](https://kapekh.org/images/btn_donate_kh.png)
![](https://kapekh.org/files/news_image/th/632_photo_2024-07-04_09-54-19_[2].jpg)
![](https://kapekh.org/files/news_image/th/633_photo_2024-07-04_12-49-53.jpg)
![](https://kapekh.org/files/news_image/th/654_photo_2024-07-04_09-54-23.jpg)
![](https://kapekh.org/files/news_image/th/655_photo_2024-07-04_08-59-10.jpg)
![](https://kapekh.org/files/news_image/th/656_photo_2024-07-04_09-52-09.jpg)
កម្មវិធីសាលារៀនជំនាន់ថ្មី (NGS) បានរៀបចំដំណើរទស្សនកិច្ចសិក្សាសម្រាប់នាយក និងគ្រូបង្រៀននៅសាលារៀនឡាំផ្លាយម៉ាតផាត់ថាណា សាលារៀនមធ្យមសិក្សាណាងរ៉ង និងវិទ្យាល័យវិទ្យាសាស្ត្រម្ចាស់ក្សត្រីជូឡាផន ស្ថិតក្នុងខេត្តបុរីរាំនៃប្រទេសថៃ ចាប់ពីថ្ងៃទី០១ រហូតដល់ថ្ងៃទី០៦ ខែកក្កដា ឆ្នាំ២០២៤ ដោយមានវត្តមានគណៈប្រតិភូអប់រំសរុបចំនួន១៣៤នាក់ មកពីសាលារៀនជំនាន់ថ្មីទាំងអស់ ព្រមទាំងបុគ្គលិកអង្គការខេប។
ដំណើរទស្សនកិច្ចសិក្សានេះ មានគោលបំណងផ្តល់នូវការយល់ដឹងដ៏មានតម្លៃចំពោះគំរូនៃការអប់រំបែបថ្មី និងជំរុញស្មារតីនៃការច្នៃប្រឌិតឬនវានុវត្តន៍ដើម្បីលើកកម្ពស់វិធីសាស្ត្របង្រៀន និងរៀនរបស់សិស្សានុសិស្ស ជាពិសេសការសិក្សាបែបស្ទែមដើម្បីដើរឱ្យទាន់ក្នុងយុគសម័យឌីជីថល។
គណៈប្រតិភូទទួលបានចំណេះដឹងដែលមានអត្ថប្រយោជន៍ជាច្រើនទាក់ទងទៅនឹងការអប់រំដូចជា វិធីសាស្ត្រសិក្សាតាមការលេង វិធីសាស្ត្រសិក្សាផ្អែកលើគម្រោង វិធីសាស្ត្រសិក្សាផ្អែកលើបញ្ហា សាលាគំរូ ការអប់រំដោយប្រើវិធីសាស្ត្ររួមឬចម្រុះ ការបង្រៀនប្រកបដោយនវានុវត្តន៍ ការពង្រឹងសមត្ថភាពរបស់សិស្ស ដោយផ្តោតលើការរៀនសូត្របែបរីករាយ និងសុខុមាលភាពសិស្ស វិធីសាស្រ្តបង្រៀនប្រកបដោយភាពច្នៃប្រឌិត ការអភិវឌ្ឍពេញលេញ ភាពបើកចំហ និងបរិយាបន្ន ការបញ្ចូលការរៀនសូត្របែបសង្គម និងអារម្មណ៍ ការផ្តោតខ្លាំងលើសហគមន៍ ការរៀននៅក្នុងបរិស្ថានអេកូឡូស៊ីធម្មជាតិ ការផ្តោតសំខាន់លើផ្នែក ស្ទែម បរិយាកាសសិក្សា និងរស់នៅរួមគ្នាដោយមានការគាំទ្រគ្រប់បែបយ៉ាងពេញលេញ ការបណ្តុះគំនិតនវានុវត្តន៍ ការសហការជាសកល ការអភិវឌ្ឍវប្បធម៌ កិច្ចសហការ និងនវានុវត្តន៍ជាសាកល ពលរដ្ឋសកលដែលមានបំណិនសតវត្សរ៍ទី ២១ ស្នេហាជាតិ និងអត្តសញ្ញាណវប្បធម៌ ទំនួលខុសត្រូវលើបរិស្ថាន អាហារូបករណ៍ និងសេវាកម្ម សុខភាព និងសុខុមាលភាព។
ទន្ទឹមនឹងដំណើរទស្សនកិច្ចនេះ ក៏មានពិធីចុះហត្ថលេខាលើអនុស្សារណៈនៃការយោគយល់គ្នារវាងអង្គការ ខេប និងមន្ទីរអប់រំខេត្តបុរីរាំប្រទេសថៃដើម្បីពង្រឹងកិច្ចសហប្រតិបត្តិការ និងការកសាងភាពជាដៃគូអន្តរជាតិ។ ក្នុងនោះដែរ សាលារៀនជំនាន់ថ្មីចំនួនប្រាំមួយក៏បានចុះហត្ថលេខាលើអនុស្សារណៈនៃការយោគយល់នេះផងដែរ។ គណៈប្រតិភូទាំងអស់រៀនសូត្របាននូវចំណេះដឹង និងបទពិសោធន៍ល្អៗសម្រាប់ជាទុនយកទៅអភិវឌ្ឍការបង្រៀន និងរៀនដល់សិស្សានុសិស្សដើម្បីឆ្លើយតបទៅនឹងការសិក្សាបែបឌីជីថលក្នុងសតវត្សរ៍ទី ២១៕
#KAPE BuriramSchoolddd #LamplaimatPattanaSchool #EducationPartnership #CambodiaEducation #NGSchools #HigherEducation #StudentExchange #STEMEducation #21stCenturySkills #QualityEducation
Link to other Website
អង្គការមិនមែនរដ្ឋាភិបាលអន្តរជាតិ
អង្គការមិនមែនរដ្ឋាភិបាលក្នុងស្រុក
- អង្គការភាពជាដៃគូអប់រំនៃអង្គការក្រៅរដ្ឋាភិបាល (NEP)
- គណៈកម្មាធិការសហប្រតិបត្តិការដើម្បីកម្ពុជា (CCC)
- អង្គការពុទ្ធិកុមារ (PKO)
ប្រព័ន្ធផ្សព្វផ្សាយ
- វិទ្យុ និងទូរទស្សន៍អាស៊ីសេរី (RFA)
- សារព័ត៌មានភ្នំពេញប៉ុស្តិ៍
- Khmer Daily News
- ទូរទស្សន៍បាយ័ន (BTV)
- ទូរទស្សន៍ជាតិកម្ពុជា (TVK)
ក្រសួងរបស់រាជរដ្ឋាភិបាលកម្ពុជា
- ក្រសួងអប់រំ យុវជន និងកីឡា
- ក្រសួងសុខាភិបាល (MoH)
- ក្រសួងសេដ្ឋកិច្ច និងហិរញ្ញវត្ថុ (MoEF)
- ក្រសួងមហាផ្ទៃ (MoI)
គេហទំព័រដទៃៗទៀត
117
មត្តេយ្យសិក្សា![](https://kapekh.org/images/preschool.png)
178
បឋមសិក្សា![](https://kapekh.org/images/school.png)
207
មធ្យមសិក្សា![](https://kapekh.org/images/school.png)
2
ឧត្តមសិក្សា![](https://kapekh.org/images/higher_education_institution.png)
163,072
សិស្សានុសិស្ស![](https://kapekh.org/images/student.png)
4,487
គ្រូបង្រៀន / នាយក![](https://kapekh.org/images/teacher.png)
5,362
ភាគីពាក់ព័ន្ធ![](https://kapekh.org/images/stackholder.png)