នៅថ្ងៃទី៣១ ខែតុលា ឆ្នាំ២០១៦ អង្គការ ខេប បានរៀបចំប្រឡងជ្រើសរើសសិស្សស្រីក្រីក្រចំនួន៣០នាក់ដើម្បីទទួលអាហារូបករណ៍ពេញសម្រាប់ឆ្នាំសិក្សា ២០១៦-២០២០ សិក្សានៅសាកលវិទ្យាល័យក្នុងទីរួមខេត្តកំពង់ចាម។ កម្មវិធីអាហារូបករណ៍នេះត្រូវបានឧបត្ថម្ភគាំទ្រដោយអង្គការមូលនិធិអាស៊ី (TAF) និងប្រតិបត្តិដោយអង្គការ ខេប ក្នុងចូលរួមលើកកម្ពស់ការអប់រំសិស្សស្រីក្រីក្រវ័យក្មេងឱ្យមានឱកាសបន្តការសិក្សានៅថ្នាក់ឧត្តមសិក្សាលើមុខជំនាញ ដូចជា៖ គណនេយ្យ ការគ្រប់គ្រង ច្បាប់ អក្សរសាស្រ្តអង់គ្លេស រដ្ឋបាលសាធារណៈ វិទ្យាសាស្រ្តកុំព្យូទ័រ (ព័ត៌មានវិទ្យា) សេដ្ឋកិច្ច សណ្ឋាគារ និងបដិសណ្ឋារកិច្ច ហិរញ្ញវត្ថុ និងធនាគារ​ ទៅតាមការជ្រើសរើសរបស់សិស្សដែលប្រឡងជ្រើសរើសជាប់៕