ព័ត៌មាន និងព្រឹត្តិការណ៍
គម្រោង FFE បានរៀបចំសិក្ខាសាលាស្តីពីវិធីសាស្រ្តគ្រប់គ្រងសាលារៀន
Date : 2018-04-26![](https://kapekh.org/images/btn_donate_kh.png)
![](https://kapekh.org/files/news_image/th/115_IMG_0976.jpg)
![](https://kapekh.org/files/news_image/th/116_IMG_0963.jpg)
![](https://kapekh.org/files/news_image/th/117_IMG_20180423_112051.jpg)
គម្រោងស្បៀងអាហារសម្រាប់ការអប់រំ (FFE) បានរៀបចំកម្មវិធីសិក្ខាសាលាដោយផ្អែកលើផែនការសកម្មភាពមកដល់ត្រីមាសទី៣ហើយ។ គម្រោង FFE មានគោលបំណងបង្កើនជំនាញ និងចំណេះដឹងដល់ថ្នាក់ដឹកនាំសាលា (នាយក និងនាយករង) ដូច្នេះ ពួកគេអាចលើកកម្ពស់អំណានថ្នាក់ដំបូងនៅសាលារបស់ពួកគេបាន។ ជាពិសេស គម្រោងនេះសំដៅទៅការបង្កើតជំនាញ និងចំណេះដឹងរបស់គ្រូ និងបណ្ណារក្សក្នុងការប្រើប្រាស់វិធីសាស្រ្តគរុកោសល្យអំណានថ្នាក់ដំបូង (EGRA) ប្រកបដោយប្រសិទ្ធភាពដើម្បីពង្រឹងអំណាន មានន័យថា ប្រើប្រាស់សម្ភារសិក្សាថ្មីៗដែលបង្កើតឡើងដើម្បីពង្រឹងបំណិនអំណានកុមារឱ្យមានប្រសិទ្ធភាព។ គម្រោង FFE ក៏បានគាំទ្រជាកញ្ចប់ដល់សាលាបឋមសិក្សាកម្រិតអភិវឌ្ឍផងដែរក្នុងការលើកកម្ពស់សកម្មភាពអំណានសម្រាប់កុមារ មាតាបិតា និងលើកកម្ពស់មនសិកាដល់មាតាបិតា និងសហគមន៍ក្នុងការចូលរួមលើកកម្ពស់អំណានកុមារ។
គម្រោងបានអនុវត្តសកម្មភាពបណ្តុះបណ្តាលគ្រូតាមសៀវភៅគោល និងបានរៀបចំកម្មវិធីសិក្ខាសាលាជាច្រើនដល់រដ្ឋបាលសាលារៀននៅទូទាំង២៧៥សាលាគោលដៅ ជាពិសេស ការខិតខំប្រឹងប្រែងលើកកម្ពស់អក្ខរកម្មថ្នាក់ដំបូងតាមរយៈការចែកចាយសម្ភារៈសិក្សា និងល្បែងសិក្សា (ល្បែងអក្ខរកម្ម)ជាច្រើនទៀត។
នៅក្នុងអំឡុងត្រីមាសទី៣នេះ គម្រោង FFE បានបណ្តុះបណ្តាលគ្រូបង្រៀន នាយក/នាយករង និងបណ្ណារក្សចំនួន ៤៤៧នាក់ក្នុងខេត្តកំពង់ធំ និងខេត្តសៀមរាប។ បន្ទាប់ពីការផ្តល់វគ្គបណ្តុះបណ្តាលច្រើនលើកមក សាលារៀនគោលដៅទាំងអស់បានប្រែប្រួលវិធីដឹកនាំសាលា វិធីសាស្រ្តបង្រៀនសិស្ស ការគ្រប់គ្រងបណ្ណាល័យ ការធ្វើការងារជាមួយសហគមន៍ឱ្យមានប្រសិទ្ធភាព អ្នកពាក់ព័ន្ធនៅមូលដ្ឋាន មាតាបិតានិងអណាព្យាបាលសិស្ស។ គម្រោង FFE ត្រូវបានប្រតិបត្តិការរួមគ្នាជាមួយអង្គការ ខេប និងអង្គការអប់រំពិភពលោក (WE) និងទទួលការឧបត្ថម្ភគាំទ្រថវិកាដោយក្រសួងកសិកម្មរបស់សហរដ្ឋអាមេរិក និងអង្គការស្បៀងអាហារពិភពលោក៕
Link to other Website
អង្គការមិនមែនរដ្ឋាភិបាលអន្តរជាតិ
អង្គការមិនមែនរដ្ឋាភិបាលក្នុងស្រុក
- អង្គការភាពជាដៃគូអប់រំនៃអង្គការក្រៅរដ្ឋាភិបាល (NEP)
- គណៈកម្មាធិការសហប្រតិបត្តិការដើម្បីកម្ពុជា (CCC)
- អង្គការពុទ្ធិកុមារ (PKO)
ប្រព័ន្ធផ្សព្វផ្សាយ
- វិទ្យុ និងទូរទស្សន៍អាស៊ីសេរី (RFA)
- សារព័ត៌មានភ្នំពេញប៉ុស្តិ៍
- Khmer Daily News
- ទូរទស្សន៍បាយ័ន (BTV)
- ទូរទស្សន៍ជាតិកម្ពុជា (TVK)
ក្រសួងរបស់រាជរដ្ឋាភិបាលកម្ពុជា
- ក្រសួងអប់រំ យុវជន និងកីឡា
- ក្រសួងសុខាភិបាល (MoH)
- ក្រសួងសេដ្ឋកិច្ច និងហិរញ្ញវត្ថុ (MoEF)
- ក្រសួងមហាផ្ទៃ (MoI)
គេហទំព័រដទៃៗទៀត
117
មត្តេយ្យសិក្សា![](https://kapekh.org/images/preschool.png)
178
បឋមសិក្សា![](https://kapekh.org/images/school.png)
207
មធ្យមសិក្សា![](https://kapekh.org/images/school.png)
2
ឧត្តមសិក្សា![](https://kapekh.org/images/higher_education_institution.png)
163,072
សិស្សានុសិស្ស![](https://kapekh.org/images/student.png)
4,487
គ្រូបង្រៀន / នាយក![](https://kapekh.org/images/teacher.png)
5,362
ភាគីពាក់ព័ន្ធ![](https://kapekh.org/images/stackholder.png)